على رمش عيونها

بسم الله الرحمن الرحيم

انا نجرو .. انا عرفت نفسى قبل كده .. المهم يعنى ان انا مش بعرف أكتب موضوع الا لما بيكون عندى الاحساس عالى شويه

او يكون موضوع مهم اووى وأصدقائى ع المنتدى هنا عارفين كده خوخه وفراوله وهدى والكابتن والمصرى وسيف

دلوقتى مش قادر اوصف شعورى بس كل اللى انا عارفه كويس اووى ان انا قاعد حزين جدا

وبعيط بجد آآه بعيط ومش مكسوف مش عيب

انا تعبان اووى والسبب حاجه بسيطه جدا

أغنيه

.. بلاش أستغراب ..

كنت بدور على أغانى قديمه على الجهاز لقيت أغينه لوحدها كده

اسمها

.. على رمش عيوناها ..

سمعتها ومن ساعت ما سمعتها وانا تعبان

كل حاجه فيها فيه بجد

نقول بعض الكلمات الاول وبعد كده تعرفوا

* انا ياللى كنت طبيب الهوا .. ببيع الدوا

** من نظره لقتنى صريع الهوا

*** ليها ضحكه يا ويلى لون السهر لما الورد بيملى شفايفه قمر

كلمات بسيطه جدا

تلاقيك وصلت لحاله من التوهان مش عارف مالك او ايه اللى جرالك

بس المهم اللى انت عارفه ان شخص واحد بس هوه الللى على بالك طول النهار والليل

بتتمنى انكم تتجمعوا مع بعض ف مكان واحد تتكملوا وتشوفوا بعض وتقولوا كل اللى نفسكم فيه

بس انا المشكله كبيره عندى شويه

انا الاستاذ .. البروف .. المستر .. الجنتل

اى حاجه عن البنات تلاقيها معايا اى حاجه مش عارف تتصرف فيها و عاوز حد يحلها ليك

تسأل عنى

مش كلام تلميع لألأ أصحابى يشهدوا بذالك

وكتير اووى مواضيع كانت واقفه ومشيت بسبى

والنكته الكبيره بقى انى برنس مفيش بنت مهما كانت تعجبنى الا لما احطها ف دماغى لازم اكلمها

انا آآآجى و أقع الوقعه دى مش على حد يعنى حتى مش عارف اكلمها

واخد بالك

يعنى كل حاجه معايا ماشيه حلاوه

تيجى لغايه الموضوع ده واقف و أشد الهاند

نظره واحده جننتنى خلتنى مش على بعضى

مش بعرف أشوفها نهائى آآخر مره شفتها كانت قبل العيد اللى فات و قبلها كان بقالى شهر كامل بالظبط 33 يوم

مش شفتها

تخليو بقى العذاب اللى انا فيه مش عارف عارف اكلمها او أشوفها حاجه كده مش على حد

أهم حاجه بقى الضحكه

لما نشوف بعض نضحك ننسى كل اللى فات و نقعد نبص لبعض من غير اى كلام

ويبقى الوقت القليل جدا اللى بشوفها فيه بيضيع كل الالم والعذاب اللى فات

ارجوا انى اكون مش أطلت عليكم

شكرا ليكم

كلمه أخيره

انا لما بكون ف الحاله دى بكتب حاجات حلوه اووى

مثلا دلوقتى

تبكى العين ام يبكى القلب

لا أدرى ايمها أبدأ به

ولكنى أعلم اننى سوف أبكى ..!!

كده بقى تمام

عاوز تعيش نفس الاحساس امسع

.. على رمش عيونها ..

وديع الصافى

NeGro

نجرو

الله عليك يا نجرو بجد انت اختارت أغنية فى منتهى الجمال وفى قمة الأحساس
ومفيش اجمل من لغة العيون اللى تعبر عن الحب الدافئ الذى يكمنه قلبين
فى قمة البراءة وفى قمة الاحساس بينهم وفى تلك اللحظة كلاهما ينسيان تماماً لحظات الفراق بينهم
ولحظات البعد والعذاب الناتج عن هذا البعد المؤلم فى قلوبهم
ومفيش أجمل من لحظة لقاء من بعد غياب طووووويل وظهر فيه اشتياق وحرارة حبهم لبعض فى لحظة لقاءهم
ومفيش اجمل من كلمة بالعين وتعبر عن كلماااااات وكلمااااااااات يعجز القلب واللسان ان ينطقها
ولكنه يشعر بها وظهرت فى هذه النظرة الجميلة العميقة المعبرة عن المشاعر الحقيقية التى تسكن القلوب
ومفيش أجمل من الحب فى الدنيا واحساسك بالامان والراحة مع حبيب تتمنى ان يكون من نصيبك وأنت من نصيبه وان يجمع القدر بينكم فى بيت واحد

بجد يا نجرو مش عارفة اقول ايه ولا اقول بس انت خليتنى اقول كلام كتير
تسلم ايدك على التوبيك الجميل يا نجرو وميرسى على اتاحتك الفرصة انى اتكلم بالشكل ده
عن الحب بنظرات العيون

flower

مع خالص أشواقى
انـــســـــانــة حــالـــــمـــــة

بص يا بوب

كلمتين من الاخر

حاول تعرف هى بتروح فين

او بتعقد فين مثلا

و روح هنالك كتير

ة اعمل اى حوار تفتح بيه مجال للكلام

احسن تبص و تلاقيك بتقول

خدنى شوقى لقتنى بروح عندها

حد تانى سبقنى وخد يدها

نجرو
حقيقى احساسك جميل اوى وجميل كمان لانك طلعته بصدق
بس بجد احلى لحظه لما تشوف حبيبك بعد غياب
عارف حتى لو غياب يوم واحد بتحسه سنين لانك بتبقى مشتاق اوى
مشتاق لصوته ولنظرات عيونه لكلامه لضحكته زى مابتقول
لان حبيبتك لما بتضحك بجد اكيد انت وقتها بتبقى حاسس ان الدنيا كلها بتضحكلك
وجميل اوى كمان انكم تحلموا بيوم ما ربنا يجمعكم على خير وتحققوا الحلم ده
يبقى حقيقه صدقنى هايكون شئ جميل فعلا احساس جميل
بس بجد انت ماتسيبهاش تضيع من ايديك طالما بتحبها كده
وبعدين الشاب اللى زيك اللى انت بتتكلم عنه وكانت علاقته مع البنات
لما بيحب او يوم مابيحب بيحب بجد بيبقى شخص معطاء دائما
نصيحه منى ماتسيبهاش ابدا وياريت تتقدملها فورا
اتمنى ماكنش ضيفه غلسه
واتمنى بجد انك تعمل بنصيحتى
وربنا يوفقك يارب ويجمعكم على خير
أختك أسماء