صالون ملتقى الاحبه

هاى ياشباب
انا اليوم جاى وجايب معايا صالون ملتقى الاحبه
الصالون دة مش فكرتى انا شوفت الصالون دة فى منتدى اخر
وعجبتنى فكرته واليوم بعرضها عليكو ويارب تعجبكم
صالون ملتقى الاحبه
ينص هذا الصالون على أن كل عضو فى الصالون يحكى عن ذكرياتنه الماضيه بخيرها
وشرها
وينص ايضا على الصراحه الكامله والواضحه
كما ينص على ان كل عضو بعد كتابته يكتب فى الاخر (زكريات عشنا فيها دوبنا فيها من العذاب
زكريات باقيا فينا من ماضينا .................)
كمان اى شخص عندة مشكله او موضوع وحابب انه يعرف اراء الاخرين يطرح الموضوع
فى الصالون
اتمنى ان الصالون ينال اعجابكم
moemo

السلام عليكم ورحمه الله وبركاته

جلال بجد تسلم ايدك يا قمر..

موضوع جميل جداااااااااا وانا عن نفسي اكيد هحكي ذكريات كتير سواء حلوه او مؤلمه..
واتمني ان كل ملتقي الاحبه يتواجده بذكراتهم الحلوه والمؤلمه وبكدا اكيد هنقرب من بعضنا اكتر واكتر.. وهنفهم بعض..

وانتظر مني في اقرب وقت اني احكي ذكرياتي وبكل صراحه..

بجد تسلم ايدك يا جلال
دايما متالق يا قمر

الفراشة

مرسى جدا فراشه على مرورك
ويارب الصالون ينال اعجاب الناس الى على المنتدى
وبكون سعيد لاأنى اول من يوضع مشكله للنقاش به
واكون اسعد لو وصلنا لحل مع بعض
moemo

هاى ياشباب انا اليوم معايا مشكله بعرضها فى الصالون علشان نتناقش
فيها ونوصل لحل مع بعض

بسم الله الرحمن الرحيم
منتداى العظيم انا محتاج اليكم فى سؤال مهم فى الحب فمن يمتلك الرد السليم لايبخل عليا
دائما ماتعوق الاقدار قصص الحب وعندما تبتسم الاقدار يتمرض بالحب
باختصار شديد كنت ارى بنتين جميلاتان يجلسان سويا ويتحركان سويا وفى قمة لادب والاحترام فقررت ان اكلم احداهما فأحدرت رقم التليفون واتصلت فردت عليا R
فبدأت معها الكلام وانا لااعرف من اين ابد كلامى معها فصارحتها بأعجابى لها وطلبت منها ان اراها وكانت مستجيبه معى فى الكلام الى ان طلبت منى ان انهى الكلام معها
واتصلت بها مره اخرى واثبت لها انى لاالعب بها وان لااتحدث معها من فراغ لكنى رئيتها فى منتهى الادب ولااحترام
فردت على وقالت اسفه جدا معى عذرا يمنعنى من الارتباط واغلقت المكالمه فقررت ان انتظرها امام البيت فقابلت اختها وقلت لها انتى R
فقالت لى من انت قلت لها انا معجب جدا بأختك ولكنها رفضت ان اتحدث معها رغم قبولها لى
فقالت لى للاسف الشديد لن تكتمل هذه العلاقه لان R
تفقد نظرها فزهلت منها قائلا انها اول بنت اعرفها واحبها هذا الحب فستأذنت منها وذهبت الى البيت واخذت افكر ماذا افعل فلم يأخذ تفكيرى سوا ساعه واحده واتصات بها
فردت عليا اختها وطلبت منها ان اكلم R
فوافقت بدون نقاش وكلمت ندى وقلت لها لقد عرفت السبب ولاكنى لااتنازل عنكى فقالت لى لااريدك ان تتسرع فى هذا
فأنا اريد ان اعرف رود
لانى لااعرف هل تسرعت ؟
ام
هل انا ااخترت القرار الصحيح ؟
moemo

جلال

فكرة التوبيك جميلة جداااااااااااااااا وانا شخصيا هاكتب هنا كل ذكرياتى سواء كانت ذكريات مؤلمة أو ذكريات جميلة
لكن فى البداية أحب أشكرك على فكرة التوبيك وأقولك أن الموضوع فعلا يستحق أنه يكون موضوع مثبت

واسمح ليا يا جلال أقولك رأيى بكل صراحة فى المشكلة اللى طرحها علينا فى بيتنا الصغير

برأيى بصراحة أنك مش اخدت القرار بسرعة ولا فيه اى تسرع لكن كلامى مايمنعيش انك لازم تفكر تانى وتالت عشان قرار الارتباط مش قرار سهل وده حياة ابدية بينك وبينها واذا كنت بتحبها بجد وصادق فى مشاعرك معها مش هتفرق معاك اى حاجة غير انها تكون معاك العمر كله
والمهم بالنسبة ليك فى الوقت ده هيكون شخصيتها .. تفكيرها .. طباعها .. أسلوبها .. حبها .. قلبها .. عقلها .. كل حاجة فيها هتكون بالنسبة أجمل حاجة وربنا أخد منها نظرها لكن ترك لها قلب تحب بيه وتخلص بيه للانسان اللى يقدر ظروفها

ونصيحة منى صلى صلاة استخارة اكتر من مرة وأسال ربنا سبحانه وتعالى هل البنت دى ليك فيها خير ولا لاء وصدقنى وقتها مش هتحتاج تسال اى حد لكن الجواب هيكون وضح تقريبا

يارب أكون قدرت اوصلك رأيى بوضوح وأنتظر منك رد قريب على كلامى

مع خالص أشواقى
أنــــســــانـــة حــــالــمـــة

دودو

رأيـــــــــــــــــــك

وصلنى بوضوح تام
بشكرك جدا على الرد وكمان بشكرك
على انتباهى لصلاة الاستخاره
مرسى جدا يادودو
دومتى لنا جديدة فى ارئك جميله فى ادائك عاقله فى ردودك
لافته لأراء الاخرين الى الصواب
moemo

الموضوع بجد جامد بس انا عايز حوالى 10 ايام عشان اكتب ذكرياتى بس للاسف كلها ذكريات قليمه جدا
تقبلوا مرورى
كريم كرم

ذكرياتى كلها اليمه

جلال ف البداية احب احيك واشكرك ع فكرة التوبيك

بجد فكرة جامده جداااااااااااا تسلم ايديك

اما بالنسبه للمشكله يا جلال

فأناا رأيى فيها وبكل صراحه

انك متسرعتش ابدا اما اخدت قرار انك لازم تكمل مع حبيبتك وانك متتخلاش عنها

تملى انت بتحبها بجد يبقى لازم تكون عند موقفك ومتبعدش عنها ايه المشكله انها فقدت بصرها يعنى

اهم حاجه حبها ليك وحبك ليها وشخصيتها وحنيتها واخلاقها كل الحاجات دى هى المهمه يا جلال

واكيد بحبها ليك وبحبك ليها هتخليك اسعد انسان ف الدنيا

متتخلاش عنها وخليك معاها

وربنا يخليكوا لبعض ومتتحرموش من بعض ابدااااا

روما

رأيك جميل جداااااااااااا يا حبيبتى وفعلا اهم شئ لازم ياخد فى الاعتبار كويس جداااا
هو شخصيتها وطريقتها واسلوبها واخلاقها

وانا شخصيا بتمنى أسمع اخبار جميلة وحلوة عن الموضوع ده يا جلال

مع خالص أشواقى
أنــســــانـــة حــــالــــمـــة

السلام عليكم

اولا فكرة التوبيك كويسه جدا

و ثانيا بدون اى مقدمات انا ها اتكلم فى المشكله

اللى انت طرحتها

بص يا بوب

انت قولت انها بتفقد بصرها يعنى سورى فى يوم من الايام

مش ها تكون شايفه . انت لو ارتبط بيها

تبقى بتفكر فى نفسك و فى اللحظه اللى قدامك بس

فكر بعمق

و شوف انت لو ارتبطت بيها و حصل زواج بعد فترة

ها يكون عليك مجهود شاق فى رعايتها و بالتلى ها تتعب

بين التوفيق فى رعايتك ليها و فى شغلك و فى راحتك و حاجات كتير

و تانى حاجه انت ممكن و الاحتمال ده نسبة حدوثه كبيرة

و هو ان ربنا ممكن يرزقك بطفل عنده نفس الصفات الوراثيه

اللى موجوده فى الام و تبقى مشكلتك مشكلتين

ما بن الطفل و ما بين امه

ركز شويه و فكر بعقل

اعزرنى لو كان كلامى قاسى او عكس اللى فى نفسك

لكن الحقيقه بتبقى مؤلمه

و زى ما (( دارون )) قال ’’ البقاء للاصلح ’’

و اعزرنى تانى هى دى مرارة الاختيار و قسوة الحياه

..........................

GENERAL

IAM THE LEGEND

السلام عليكم ورحمه الله وبركاته
بدايه الكلام
سعيـــــــــــــد جــــــــــــــــدا
بكل الناس الى على المنتدى
احب اشكر

انسانه حالمه (دودو)
الفراشه (غاده )
الطير الحزين (كريم)
غيرنى الحب (روما)
THE GENERAL
على مروركم وأستجابتكم لندائى يا منتدايايا العظيم
كمان احب أقول للنجنرال ان ضعف النظر الى هنا مش وراثه
دى غلطه دكتور للأسف كل الناس لازم تقوله يادكتور بالرغم
من اخطائه الشنيعه
كمان بشكرك على ردك بصراحه كمان كلامك مش قاسى عليا خالص
انا بحيك على صراحتك فى الرد
بشكر كل الناس للمره التانيه
انتظرو منى المزيد
moemo

السلام عليكم ورحمه الله وبركاته

جلال ياقمر

منور الدنيا كلها يا قمر.. وانا اسفه علي تاخيري في الرد عن المشكله ياقمر..

وهرد حااالا..

بص يا جلال هو موضوع محير شويه

بس اللي اقدر اقوله ان لو في حب بجد حب حقيقي مش هتفرق انها كانت بتشوف او مش بتشوف بتمشي ولا مش بتمشي بتكلم ولا مش بتكلم.. معايا.. يعني لو انت بتحبها بجد صدقني هتعيش معاها اجمل ايام حياتك.. مهما كان فيها .. الحب مازالت بقول انه يصنع المعجزات..

الحب.. عايزك تتاكد الاول من درجه حبك ليها واذا تاكدت لن تتردد ثانيه من انك تكون معاها العمر كله.. ومين يعلم الحياه هتكون شكلها ايه.. ممكن برغم انها مش بتشوف بس تخليك اسعد انسان في الدنيا.. وممكن ترتبط بواحده بتشوف وتخليك اتعس انسان في الدنيا..

طبعا دا مش مقياس. بس بقولك فكر في انت عايز ايه.. انت بتحبها فعلا ولما متعاطف معاها بس.. لانها تفرق متعاطف هيجي وقت وتتضايق وتقول ياريت معملت كدا.. انما لو بتحبها.. هتعيش ليها وبيها.. انا مش عارفه طبعا ان كان رايي صح ولا غلط.. بس دا رايي اتمني اني افيدك برايي لو 5% بس من المشكله.. وباقي اخواتي بالمنتدي تستكمل معاهم الراي وتجمع رايك انت بالنهايه واتمني اني اسمع اخبار حلوه منك يا قمر..

وطبعا لازم اقولك استعن بالله فهو اقرب منك لنفسك واكيد هيكون معااااااك

صلي صلاه الاستجاره زي هدي مقالتك وادعي ربنا انه ينورك طريقك بالنسبه للموضوع دا..

جلال ربنا يوفقك واتمني اكون اضفت اضافه لو بسيطه..

واتمني انك تطمنه قريبا يا قمر..

الفراشة

كلام جميل كلام معقول مقدرش اقول حاجه عنه
شكرا فراشه على ردك
كمان شكرا على الاضافه كلامك وضح نقتطين
الحب والعاطفه
بشكرك مرة تانيه على رأيك بوضوح
انتظرى منى المزيد
moemo

ايه يا جماعة انتم نستيوا التوبيك وفكرته الاساسية فين ذكرياتكم
يلا كل واحد فينا يدخل ويقول ذكرى عنده عشان كلنا نستفيد من اخطاء بعض
ونكون عون لبعض طول العمر
surprised

انتو فين ياجماعه
انا كنت مفكر ان الموضوع هياخد شكل احسن من كده
moemo

جلال بجد فكره التوبيك دى رائعه وحلوة اوى

وبجد كتير مننا محتاج يحكى ويخلرج اللى جواه لناس تسمعه وتحاول تفيده وتستفيد من ماضيه

واكيد حتلاقى ذكريات كتييييييييييره هنا

وانا يمكن اول واحده ححكى عن ذكرى كل ما افتكرها اندم واندم لكن قدر الله وما شاء فعل

الذكرى اللى ححكيلهم عنها ملخصها انى كان ادامى الحب واضح وصريح وكنت حساه من ناحيتى وناحيته لكن بكل الطرق بعدت خفت كنت كل ما احاول ااقرب عشان اكمل القصه الاقى نفسى ببعد نفسى اكتر واكتر وطبعا هو لما كان بيحس بكده كانت كرامته وكبرياؤه بتخوفه انه يقرب او حتى يتكلم
عشان كده قصتنا بدأت وانتهت نظرات فقط الى ان كل واحد فينا اخد سكته وطريقه وانفصلنا كليا عن بعض

اللى عايزة اوصله ان الخوف من الحب ده لازم نبعده عننا انا لما خفت خسرت كل حاجه ومكذبش عليكم للان بندم وبقول لنفسى ليه عملت كده ليه كنت سلبيه ومأخدتش قرار القرب لا بعدت عشان اريح دماغى طيب ما انا فى المقابل تعب قلبى وجرحته وقضيت عليه

طبعا تفاصيل الموضوع طويله انا حكتلكم مجمل القصه

(زكريات عشنا فيها دوبنا فيها من العذاب
زكريات باقيا فينا من ماضينا .................)

السلام عليكم

الله الله موضوع جميل ويرجع الواحد لااجمل ذكريات

اولا احييك على الفكرة ... فكرة جميلة

انا بقة ذكرياتى جميلة بس على راى ميادة الحناوى كان يامكان الحب مالى بتنة ومدفينة الحنان

زارنا الزمان سرق منة فرحتنا والرحة والامان بس الحمد الله على كل شىء ويارب يخلى اولادى

واشفهم فى احسن حال ويارب اقدر اوفى ولو جزء بسيط من اللى اختة من حبيبى وروحى

واقدر اوصل اولادى الى احسن حال

بجد بشكرك على الفكرة وان شاء الله هكلكم على اجمل الذكريات

تحياتى رحيق الجنة

ايه ياجماعه
يعنى انتو عاوزين تعرفونى ان مفيش الا رحيق الجنه وفراوله عندهم زكريات والباقى عيشين
من غير ولا زكرى
ولا الناس نسو الموضوع
ولا ايه بالضبط
كان نفسى الموضوع يحقق نجاح على المنتدى بس للأسف
تقريبا أن انا مبعرفش احسبها صح
بشكر
فراوله على الجزء الى كتبته من زكراها
وبشكر
رحيق الجنه
على الجزء الى كتبته من زكراها
moemo

متزعلش يا ميمو اكيد بس محدش اخد باله من التوبيك

بس على فكرة انا عجبنى اوى التوبيك ده
وان شاء الله لو الناس اخدت بالها حيحقق نجاح جامد على المنتدى لان الفكرة فى غايه الروعه وطبعا كل منا له ذكريات مدفونه داخله ومحتاج انه يخرجها من جواه
تسلم يا ميمو بجد على افكارك

جلال

ذكرياتنا لا تنتهى ولكنها تبقى عالقة فى أذهاننا ووجداننا
ولكن نحاول احيانا ان نتنساها كثيرا حتى نستطيع العيش
فانا فى هذه الايام أحاول أنسى ذكرى مؤلمة للغاية وبحاول اخرج من مود الحزن
بالهزار والضحك لكن بيكون من وراء قلبى
ذكرى وفاة عمى الله يرحمه بعد ايام قليلة فانا اتذكره كل لحظة
وفى كل موقف حدث بيننا
انا هاحكى باختصار على قد ما اقدر لانى لو اتكلمت مش هاقدر اقول كل حاجة عنه
انا عيشت حياتى وفتحت عينيا على مشاكل كتير جداااااااا وعمى الله يرحمه طول الوقت كان زعلان
مرت الايام والسنين والخلاف زال وحدث ما لم اتوقعه ابداااااااااا
فى خلال 3 سنين ظهر وجه ملائكى جميل وقلب طيب وصافة وكمية حنان لا نهاية لها
مهما مرت الايام والسنين مش ممكن انسى الفترة دى من حياتى
فترة كلها حب وحنان ودلع ودفء وكل شئ جميل من عمى الله يرحمه
لكن فى لحظة الحقيقة الوحيدة اللى فى حياتنا ومنقدرش نكدبها
وهى الموت
رحل عمى دون وداع
انا عايزة احكي لكم على موةف صغير لكن مش بنساه ابداااااااااا
قبل وفاه عمى كان عندنا فى البيت وقاعد معانا يومين
وكان فى وقت واقف بيبص من الشباك ووقتها وقفت جنبه
لاقيت نظرة غريبة جدااااااااااااااااا فى عينيه
لحد انهارده مش بنساها ابداااااااا وكأنه كان بيودعنى بالنظرة دى
لانه بعدها مش شوفته لكن سمعت صوته قبل وفاته بيومين بس
وكفاية لحد كده لانها بجد ذكرى فى منتهى الالم بالنسبة ليا
باحاول كتير اتنساها لكن صعب تنسى انسان عيشت سنين كتير من عمرك
وانت غريب عنه وهو غريب عنك لكن قبل وفاته بسنين بسيطة
تقرب منه وتحبه وتلاقى فى حضنه الحنان والدفء
وللاسف بعد وفاته فقدت كتير جداااااااااا
الله يرحمه

انا بجد اسفة جدااااااا يا جماعة لكن عدم دخولى التوبيك هنا لان ذكرياتى كلها مؤلمة
ومش حابة اقول كلام يضايقكم لكن غصب عنى المرة دى مش قدرت امنع نفسى من البوح بمشاعرى

مع خالص أعتذارى
أنسانة حالمة

مرسى جد فراوله على ردك
بصراحه ردك جامد اخر حاجه
اتنتظرى المزيد
moemo

انسانه حالمه
البستان الجميل لا يخلو من الأفاعي
والموت يأتى بدون سابق كما تقع نقطة من الحبر الأسود على ملابس الإنسان.
كمان زكرياتك اى نعم مؤلمه بس ده ميمنعش
ان انتى تكتبى لأن ساعات الفضفضه
تريح الانسان
أنا مش برغمك على الكتابه دى حريه شخصيه
بس اكون سعيد لو شاركتك فى نقاش زكرياتك
المؤلمه هذا بالنسبه لى
وأعتقد ان بقيه الاعضاء معايا فى الرأى
سيسعدنى مشاركتى فى المناقشه
MOEMO

فعلا يا جلال ساعات الكلام بيريح وكمان الكلام ممكن يخلين ابكى بغزاره وبعدها بحس انى مرتاحه

لكن فى حاجات كتير صعب اننا نتكلم فيها بجد حتوجعنا اوى وحترجعنا لجروحنا وايام صعبه مرينا بيها

فراوله
مرسى على مرورك
الجراح كاس دايم على كل الناس
والانسان الى الجرح ميعلمش معاه وياثر فيه ويوجعه
للأســــــــــــــــــــــــف
ميبقاش انسان

ساعات الجرح بينسى
moemo

» سجن ملتقى الاحبه
» وصلت لكم فى ملتقى الاحبه بعد غياب وشوق كبير
» خبر عاجل وهام لكل اعضاء ملتقي الاحبه
» تسمحولي اكون معاكم هنه في ملتقي الاحبه
» بيت ملتقى الأحبة