{ farawlla13 عـــ كرسى الأعتراف }

إلى كل أعضاء منتدى ملتقى الأحبة
هيكون معنا أول ضيف على كرسى الأعتراف
عضوة جميلة ورقيقة وحساسة جداااااا
عضوة كلنا بنحبها وكلنا عايزين نعرفها أكتر وأكتر
هتكون معنا ولمدة أسبوع

farawlla13

اهلا بيكى يا فراولة فى أول ضيوف كرسى الأعتراف

{ farawlla13 عـــ كرسى الأعتراف } HGs11324

مع خالص أشواقى
أنــســــانة حــــالــــــمـــة

منورة الكرسى يا قمراية

اربطى الاحزمة
مستعدة
1: اسمك :
2:اختر خمس اعضاء بتحبيهم :
3:ايه اكتر حاجة بتحبيها فى ملتقى الاحبه :
4: اكتر حاجة مبتحبيهاش فى ملتقى الاحبه :
5:ايه الحاجة الى نفسك تغيريها فى نفسك :
6:ايه رايك فى الاعضاء دول
انسانه حالمة :
الفراشة :
سما :
سبيدر :
رحيق الجنه :
انت عمرى :
غيرنى الحب:
واخيرا انااااااا :
7: ايه الحلم الى نفسك تحققيه :
8: بتعرفى تكتمى دموعك ؟ :
9:مين اقرب عضو ليكى :
وان شاء الله ليا راجعة جوبى دول ويارب اكون خفيفة عليكى يا قمر
fuNny girl

زائر

يا هلا وغلا بجد ونعم الاختيار اولا ارحب بيكى فى كرسى الاعتراف

واكيد خليكى عارفه انى مش هرحمك من الاسئله لانى منتظرك يكونى على كرسى الاعتراف

وتاكدى انى لن ارحم من يجلس على كرسى الاعتراف

ونبدا معكى كاول بدايه وليست النهايه

مرحبا بيكى مره ثانيه

) س كما تعودنا ان ناخذ راي الجميع بكرسي الاعتراف فمارايك اختي بكرسي الاعتراف
2)س هل مفاجأت جلوسك على كرسي الاعتراف لها وقع في نفسك ؟ وماهو شعورك وانتى على كرسي
3)س -كل انسان وله أمنيات وأمال .. يا ريت تخبرينا عن الحلم اللي يراودك أو بالأحرى

الأمنية اللي تتمناها ... ؟
4)س ايه أصعب المواقف اللي مريت بها ؟
5) س ايه موقفك من الحب ؟؟ وهل جربيته ؟؟ هل تأمنى بوجوده ؟؟
6)س -فأي قرار تتخذيه هل ..... تحكمى عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟
7) س هل ندمتى فحياتك على شي معيّــن ؟؟؟
س مالفـرق بين الحب والصداقة ؟ وهل يمكن ان يسلكا طرق الغيرة 00؟

_ما رأيك بهذه الكلمات ..
الخيانة ..
المرأه..
الصداقة ..
النميمة ..
النفاق ..
تحياتي لك

احمد راضى

كنت اتمني المشاركة باسئلتي لكني اشفق عليك من الجلوس علي الكرسي
بس اللعبة هي ما تحكمنا يا عزيزتي اعذريني
ولكن في مرة لاحقة ..
اصل الاسئلة باخدها من الاعداد
ولو اني بحس ان كرسي الاعتراف ده عامل زي جهاز كشف الكذب .
يعني انتي دلوقتي قاعدة في المخابرات العامة المصرية هههههههههههه

اقتباس :: منورة الكرسى يا قمراية

اربطى الاحزمة ربطتها يا هبه ,وبعدين هما كام حزام هى المسأله صعبه اوى كده

مستعدة يس انا مستعده على الاخر

1: اسمك :الحركى كلكم عرفينه اما الفعلى هههههههههه اكيد كتير منكم يعرفوه انا اسمى نهله

2:اختر خمس اعضاء بتحبيهم :هدى وروما والفراشه وبموت فى سبيدر طاطا وانتى يا هبه بموت فيكى بجد وبحب الباقى طبعا كلهم بس انتى حددتيلى خمسه مش عارفه ليه الاحراج ده بس بينى وبينكم يا جماعه بموت فيكم كلكم

3:ايه اكتر حاجة بتحبيها فى ملتقى الاحبه :روح الاخوه والمحبه اللى بين اعضائها كمان ملتقى دمه خفيف ومتنوع ومفيد ومتجدد وانا بحب التجديد وكفايه الناس اللى بتقابل معاهم من خلاله

4: اكتر حاجة مبتحبيهاش فى ملتقى الاحبه :لااااااااااااا بعد الشر مفيش حاجه مش بحبها فيه خالص

5:ايه الحاجة الى نفسك تغيريها فى نفسك :الخوف الزائد عن حده من كل حاجه

6:ايه رايك فى الاعضاء دول

انسانه حالمة :اختى التى لم تلدها امى

الفراشة :اطيب قلب

سما :نسمه المنتدى

سبيدر :عسل المنتدىوخفه دمه مشفتش زيها

رحيق الجنه :حنيه الدنيا

انت عمرى :العقل الكبير

غيرنى الحب:روما دى حبيبه قلبى

واخيرا انااااااا :رقه المنتدى

7: ايه الحلم الى نفسك تحققيه :اكبر فى شغلى واحقق فيه نفسى اكتر واكتر وان كل الناس تحبنى عشان انا نهله مش عشان حاجه تانيه وعشان دى كانت دايما دعوه ماما الله يرحمها ليا

8: بتعرفى تكتمى دموعك ؟ :لا خالص وخصوصا الايام دى

9:مين اقرب عضو ليكى :كل الاعضاء لكن الفراشه او غاده بحس انها بتفهمنى اوى

وان شاء الله ليا راجعة جوبى دول ويارب اكون خفيفة عليكى يا قمر

ميرسى يا هوبا تنورينى يا قمر

انت عمرى كتب:: يا هلا وغلا بجد ونعم الاختيار اولا ارحب بيكى فى كرسى الاعتراف

ميرسى يا احمد ربنا يخليك كلك ذوق

واكيد خليكى عارفه انى مش هرحمك من الاسئله لانى منتظرك يكونى على كرسى الاعتراف

ليه كده بس دى الرحمه حلوة واللهى دا انا طيبه خالص انا عملتلك ايه بس لده كله

وتاكدى انى لن ارحم من يجلس على كرسى الاعتراف

ما قولنا الرحمه حلوة يا عم احمد

ونبدا معكى كاول بدايه وليست النهايه

ربنا يستر عليكى يا فراوله اتفضل يا باشا

مرحبا بيكى مره ثانيه

ميرسى ليك مرة تانيه

) س كما تعودنا ان ناخذ راي الجميع بكرسي الاعتراف فمارايك اختي بكرسي الاعتراف
واللهى الكرسى مرعب عارف انا حاسه انى كمان شويه حقع من عليه ههههههه بس متخافش بعد ما اجاوب على كل اسئلتك
2)س هل مفاجأت جلوسك على كرسي الاعتراف لها وقع في نفسك ؟ وماهو شعورك وانتى على كرسي

طبعا المفاجأه ازهلتنى ومش حكدب عليك فرحتنى اوى لانى حبيت انى اكون قريبه منكم وتعرفونى عن قرب وكمان اختيار انى اقعد على الكرسى ادانى احساس اكتر بحبكم ليا اما عن شعورى فأنا قلتلك قبل كده مرعوبه عارف اللى داخله امتحان صعب ومش اى امتحان امتحان الثانويه العامه يعنى تحديد مصير وكل شويه اقوم من على الكرسى اعدله وااقعد تانى عشان بجد حاسه انى شويه وحقع من عليه ههههههههه
ربنا يستر وانجح فى الامتحان وادخل كليه من كليات القمه

3)س -كل انسان وله أمنيات وأمال .. يا ريت تخبرينا عن الحلم اللي يراودك أو بالأحرى

الأمنية اللي تتمناها ... ؟

اتمنى انى اكبر فى شغلى واحقق حاجه فيه ليا وكمان لبلدى وان ماما الله يرحمها تفضل راضيه عنى لغايه ما اقابلها وتقلهالى بنفسها دى احلامى وامنياتى حاليا ومش عارفه بقى بكرة لسه ممكن احلم بايه
4)س ايه أصعب المواقف اللي مريت بها ؟
هما موقفين بجد الاول هو وفاه بابا الله يرحمه بس بقى الاصعب منه مرض ماما وحزنى عليها وبعد كده وفاتها واعتقد انى مهما عشت وتعرضت لمواقف عمرها ما حتكون اصعب عليا من المواقف اللى قلتها دى

5) س ايه موقفك من الحب ؟؟ وهل جربيته ؟؟ هل تأمنى بوجوده ؟؟

انا بخاف من الحب اوى واكيد جربته بس كان حب وقتى كده وعدى يعنى ممكن نعتبره سحابه وعدت وطبعا أؤمن بوجوده الحب ده احلى شئ فى الوجود

6)س -فأي قرار تتخذيه هل ..... تحكمى عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟

زمان كنت بحكم قلبى لكن حاليا بحكم قلبى مع عقلى اما عن مين بيسبق مين فهو اكيد ان قلبى اللى بيسبق
بس فى الاخر بشاور قلبى مع عقلى ولازم اخليهم يتفقوا على القرار

7) س هل ندمتى فحياتك على شي معيّــن ؟؟؟

لا الحمد لله ما ندمتش على شئ عملته لانى حتى لو كنت غلطت ففى الاخر اتعلمت من خطأى وبالتالى الندم مش حيقدم ولا يأخر خلاص اللى حصل حصل
س مالفـرق بين الحب والصداقة ؟ وهل يمكن ان يسلكا طرق الغيرة 00؟

الحب ده شعور جوانا بيجى ويسكن فينا من غير استئذان يعنى من غير ما نحس بنلاقى نفسنا بنحب

اما الصداقه فهى اختيارنا وهى احلى شئ فى الدنيا وفعلا الصداقه شئ مهم لكل انسان

وطبعا ممكن ان يسلكا طريق الغيره الحب بتدخل فيه الغيره الحبيب بيغير على حبيبه كمان الصداقه الصديق كتير بيغير على صديقه

_ما رأيك بهذه الكلمات ..
الخيانة ..شئ مؤلم وفظيع ممكن تكرهك فى الدنيا بحالها وتفقد بسبب الخيانه الثقه فى كل من حولك

المرأه..الحنيه والعطف والامومه نصف المجتمع

الصداقة ..اسمى المعانى

النميمة ..اعوذ بالله

النفاق ..اوحش طريقه للوصول الى ما يريده الانسان

تحياتي لك
احمد راضى

ميرسى يا احمد ابقى تعالى تانى

انا لسه مستنياك على الكرسى

نورتنى

حتشبسوت كتب:: كنت اتمني المشاركة باسئلتي لكني اشفق عليك من الجلوس علي الكرسي
بس اللعبة هي ما تحكمنا يا عزيزتي اعذريني
ولكن في مرة لاحقة ..
اصل الاسئلة باخدها من الاعداد
ولو اني بحس ان كرسي الاعتراف ده عامل زي جهاز كشف الكذب .
يعني انتي دلوقتي قاعدة في المخابرات العامة المصرية هههههههههههه

ولا يهمك يا حتشبسوت الاسبوع لسه طويل واسألى على راحتك انا قاعده يعنى حروح فين
اما بقى عن جهاز كشف الكدب اللى انا قاعده عليه ده فربنا يستر عليا وعلى اللى حيجى من بعدى المخابرات العامه المصريه تيجى ايه جنب كرسى الاعتراف ده دى ارحم بكتير منه اسالى مجرب

يالا بقى ادعيلى وربنا معايا

ازيك يا فراولة منورة الكرسى يا قمر

انا هسألك كام سؤال كداا ومتخافيش هيكونوا سهلين خالص

ومش هطول عليكى

1-اسمك وسنك وعنوانك؟

2-عندك كام اخ وكام اخت وترتيبك الكام ؟

3-انتى عايشه دلوقتى فى قصة حب ولا لاء؟

4-واضح طبعا انك بنوته رقيقه جداا ياترا دموعك سهل نزولها ولا لاء؟

5-ايه اخبارك مع المطبخ يعنى من هواياتك دخول المطبخ ولا لاء؟ وايه اكتر اكله بتعرفى تعمليها؟

6-مذيعك ومذيعتك المفضلين؟

7-بتتحبى تسمعى مين من المطربين والمطربات جديد وقديم؟

8-فنانك وفنانتك المفضلين جديد وقديم؟

9-لو معاكى وردة حمراء وورده صفراء ووردة بيضا هتديهم لمين من الاعضاء؟

10-عاوزة منك اسمم اغنية قدام الاسماء دى من الاعضاء

1- انسانه حالمة
2- الفراشة
3- هبة
4-بوسى كات
5-سما
6-ماما عبير
7-بوكى
8-رودى
9-جنرال
10-انت عمرى
11-سبيدر مان
12-روماااااا

وبكدا اكون خلصت الاسئلة دلوقتى بس متقلقيش اكيد هرجعلك تاااااانى

فرواله انا مش اعرفك اوى او محصلش بنا تعارف قبل كدا

بس حبيتك من الكلام عنك ومن الكلام باين انك شخصيه لذيذه
ومعلش بقى هسالك كام سؤال كدا هما صغنونين مش تخافى
يلا نبدا ياقمرايه
1- اكتر دعوه بتدعيها ايه هى؟
2-اصعب موقف فى حياتك لا يمكن نسيانه اذا كان حلو او وحش ولو فى الاتنين قوليهم بقى مش هتفرق؟
3- ايه اكتر يوزر نيم عجبك فى المنتدى؟
4- ايه الحاجه اللى تحصل توصلك لدرجه انك تكرهى الشخص اللى ادامك؟
5-ايه اكبر طموح ليكى فى الحياه؟
6-ما هى هواياتك؟
7- ما هى اعظم سمات الحب بالنسبه لكى؟
8- تؤمنى بالحب من اول نظره؟
9-تصنفى شخصيه الولد اللى ادامك على اساس ايه ؟ نفس الحوار لو بنت؟
10- اكتر صفه تشدك لولد او بنت؟
بصى دول كفايه لحد مفتكر يعنى تانى
والبوسه دى منى ليكى ورنا معاكى ياقمر I love you

see u
1

فراوله يا قمر اهلا بيكي علي كرسي الاعتراف

ودلوقتي بقي هسالك كام سؤال علي الماشي كدا لحد مفكر بس في شويه اسئله يا قمر

1- ايه رايك في الحب؟

2- حبيتي كام مره؟

3- تفضلي الجواز التقليدي ولا الجواز بالحب؟

4- ايه اكتر حاجه ممكن تالمك ؟

5- ايه اكتر حاجه تسعدك؟

6- ايه الحلم اللي حلمتي واتحقق؟

7- ايه الحلم اللي حلمتي ولسه متحقيش؟

8- بتخافي من بكره ولا دايما عندك تفاؤل ان بكره احسن من انهارده؟؟

9- بتحسبي كل خطوه وكل كلمه قبل متقوليها او تنفذيها ولا ماشي الحياه زي متجي؟

10- ندمتي علي حب حبيتي من قلبك وقولي يارتني محبيت ولا عرفت الحب؟؟

كفايه عليكي كدا المره دي

وان شاء الله ارجعك تاني يا قمر

الفراشة

منورة الكرسى يا فراولة

lol!

1- فى حد فى حياتك دلوقتى ؟
2- ايه الحلم اللى كان نفسك يتحقق واتحقق ؟
3- ايه هى اللحظات اللى تتمنى تنسيها ومش عارفة ؟
4- ايه هى اللحظات اللى تتمنى الزمن يقف بيكى وميمشيش ؟
5- بتحبى السفر ؟ واى بلد تحبى تسافرها خارج مصر ؟

اكيد هارجعلك تانى يا فراولة

flower

يعني اغيب شوية ساعات الاقي كل الاعضاء سألوا الاسئلة دي ،أنا بقي هاسال كام سؤال:

ليه البنت بقي سهل لو حد قالها سنك كام تقول رغم ان زمان كانوا يقولوا انك عيب تسـأل اي بنت السؤال ده؟.
الحب عاطفة سامية ورقيقة فهل اصبحت كلمة سهلة الواحد يقولها ؟،وهل ممكن تفقد معناها ذات يوم مع الشخص اللي اتعود يقولها مع كل بنت او العكس؟.
عايزة اسألك عن تفسيرك لظاهرة التذبذب الاخلاقي في مصر واننا دائما بقي عادي نقول زمان واحنا صغيرين او ايام الستينات والسبعينات ،هل ده معناه اننا بنهرب من الواقع والا ان احنا مش عارفين نعيش فيه ؟
عارفه ان اسئلتي غلسة شوية ،معلش حقك عليا مقدما ،ويارب ما تقعي من الكرسي وانتي بتجوبي وربنا يكون في عونك
والايام دول الاسئلة اللي تسألها النهارده ممكن تتسألها بكره .
كفاية لحد كده بقي أسئلة لحد ما أفكر وأرجع إن شاء الله.

السلام عليكم

الله عليكى يا هدى بجد اجمل حاجة ان اجمل بنت على كرسى الاعتراف علشان

نتعرف على فراولة الجميلة

والله يا فرولتى انا مش هسئل كتير ومش اسئلة صعبة نبتدى

1/حلم حياتك؟

2/ايه رايك فى بنات اليومين دول؟

3/لما بتحسى انك مدايقه ايه هو المكان اللى بتحبى تقعدى فيه ؟

4/ليه اختارتى اسمى فراولة

5/نفسك لما تتجوزى اول بيبى يكون ولد ولا بنت وتسمى ايه؟

6/ما مفهوم الصداقة عندك ؟

7/هل ندمت على اى حاجة عملتيها فى حياتك ؟

8/ماذا يعنى ليكى الحب ؟

9/هل مريتى بلحظة ضعف ؟

10/اكتر عيب فيكى عايزة تغيرى ومش عارفه ؟

11/ مين اكتر شخص تحبى تحكيلة لما تكونى مدايقة

12/ممكن ترتبطى من على النت

13/قوليلنا حاجة كنتي معروفة بيها وانتي صغيره؟؟

14/كان نفسك تدرسى ايه بس محصلش نصيب

15/اية اللى تتمنية للمنتدى ؟

16/مين اكتر شخص متقدريش علي زعله ؟

17/حلم حققتيه مكنتش تتوقعيه و حلم لسه محققتيهوش و نفسك تحققيه ؟

18/إنسان معين لما تفتكريه تقولى ( لسه الدنيا بخير ) ؟

19/بصرحة شديدة مين العضو اللى انتى خايفة انة يسئالك ؟

20/ ايه رأيك فى اسئلتى بصراحة ؟

confused

كفاية كدة ويارب تكون اسئلتى سهلة

بس هرجع تانى

flower

تحياتى

رحيق الجنة

السلام عليكم

confused

طبعا انا مش رضيت اسأل أول واحدة عشان انتى اساسا عايزة تضربينى عشان حطتك يا فروالتى

فحبيت ان الاعضاء تدخل تسألك شوية وبعدين انا ادخل اسألك كام سؤال كده فى السريع

بس اوعى تدعى عليا يا حبيبتى والله انا بحبك جدااااااااااااااااااااااااا

وانتى عارفة يا فروالتى غلاوتك عندى قد ايه

I love you

نبدأ بقى الاسلة وندخل فى المهم

1- ايه رأيك فى الحب الأول ؟ وهل يوجد حب يطلق عليه الحب الاول ؟؟
2- ايهما تختارى عندما تكونين مضايقة ... البحر أم الجلوس بمفردك فى غرفتك؟؟
3- أصعب كلمة سمعتيها فى حياتك ؟؟ وأجمل كلمة سمعيتها فى حياتك ؟؟
4- عندما تشعرين بالحب هل من الممكن أن تبوحين بمشاعرك أم تفضلين البقاء فى مكانك ؟؟؟
5- أكتر صفة بتحبيها فى شخصيتك ؟ واكتر صفة مش بتحبيها فى حياتك ؟؟
6- برفانك المفضل ؟؟
7- كلمة تتمنى تسمعيها ... ممكن تكون ايه ؟؟؟
8- عايزكى تهدى الاغانى دى للأعضاء اللى تختاريهم :
انت الغالى
بحبك قولها للعالم
طبعا احباب
منحرمش العمر منك يا حبيبى
قلب واحد
سيبنى جوه حضنك
روح قلبى
9- رتبي هذه الصفات من اكثرها تواجد بشخصيتك الى الاقل
الصبر - خفة الدم - العصبية - التسامح - الكآبة
الغرور - الهدوء - المزاجية - طيبة القلب - التواضع
10- ادينى لقب لكا اسم من اسماء الاعضاء دول :
1-روما
2- الفراشة
3- هبة
4- بوسى كات
5- سما
6-رحيق الجنة
7- بوكى
8- رودى
9- جنرال
10- انت عمرى
11- سبيدر مان
12- وجه القمر
13- جلال
14- الطير الحزين " كريم "
15-أنسانة حالمة

اكيد هارجعلك تانى يا فراولتى

lol!

مع خالص أشواقى
أنــســـانـــة حــالــمـــة

غيرنى الحب كتب:: ازيك يا فراولة منورة الكرسى يا قمر

انا هسألك كام سؤال كداا ومتخافيش هيكونوا سهلين خالص
يا رب
يا روما

ومش هطول عليكى

1-اسمك وسنك وعنوانك؟
نهله

23

انا اساسا من المنصوره لكن حاليا اقيم فى منزل تيته فى طنطا غربيه

2-عندك كام اخ وكام اخت وترتيبك الكام ؟
ليا اخت واحده وانا الصغيره

3-انتى عايشه دلوقتى فى قصة حب ولا لاء؟

لااااااااااااااااااء

4-واضح طبعا انك بنوته رقيقه جداا ياترا دموعك سهل نزولها ولا لاء؟

سهل جدا يا روما وخصوصا الفتره دى

5-ايه اخبارك مع المطبخ يعنى من هواياتك دخول المطبخ ولا لاء؟ وايه اكتر اكله بتعرفى تعمليها؟
بموت فى المطبخ فعلا هوايتى المطبخ بس لما بكون رايقه والحمد لله بعرف اعمل كل حاجه بس يمكن انا شاطرة فى الحلويات اكتر شويه ويوجد شهود عيان على ذلك

6-مذيعك ومذيعتك المفضلين؟
بحب تامر بسيونى ومنى الشاذلى
7-بتتحبى تسمعى مين من المطربين والمطربات جديد وقديم؟
جديد عمرو ياب وتامر حسنى وجنات واصاله وشيرين
قديم طبعا ام كلثوم نجاه فيروز عبد الحليم حافظ محمد قنديل
8-فنانك وفنانتك المفضلين جديد وقديم؟
جديد منى ذكى مى عز الدين واحمد حلمى ومصطفى شعبان والسقا طبعا
قديم محمود عبد العزيز حسين فهمى يسرا ميرفت امين

9-لو معاكى وردة حمراء وورده صفراء ووردة بيضا هتديهم لمين من الاعضاء؟

الحمراء لهدى

الصفرا لاسماء

البيضا لغاده

10-عاوزة منك اسمم اغنية قدام الاسماء دى من الاعضاء
ليه الاحراج ده يا روما ما كنا حلوين

1- انسانه حالمة وما يحرمنيش منك وما يبعدنيش عنك
2- الفراشة اجمل حاجه يا روحى انك توأم روحى
3- هبة يا نور عينى
4-بوسى كات امورتى الحلوة بقت طعمه ولها شكل جديد
5-سما القلب الطيب
6-ماما عبير اكتر حاجه بحبها فيكى هو ده اه قلبك واكتر حاجه شدتنى ليكى هو ده طيبه قلبك
7-بوكى متحلويش اكتر من كده متحلويش فى عنيا
8-رودى روح قلبى خليك هنا معايا يا روح قلبى ما توحشنيش
9-جنرال على صوتك على صوتك بالغنا لسه الامانى ممكنه ممكنه
10-انت عمرى خد بالك عليا
11-سبيدر مان مش زى الملايكه ولا فيك م البشر ولا حاجه فى ملامحك تشبه للقمر انت اكيد من عالم تانى
12-روماااااا بحبك مش حقول تانى

وبكدا اكون خلصت الاسئلة دلوقتى بس متقلقيش اكيد هرجعلك تاااااانى

تنورينى يا قمر

ميرسى يا روما

lovely star كتب:: فرواله انا مش اعرفك اوى او محصلش بنا تعارف قبل كدا

بس حبيتك من الكلام عنك ومن الكلام باين انك شخصيه لذيذه

انتى اكيد الالذ والاحلى وميرسى على كلامك الحلو ده يا قمر ربنا يخليكى ليا يا رب
ومعلش بقى هسالك كام سؤال كدا هما صغنونين مش تخافى

اهو ماسكه قلبى
يلا نبدا ياقمرايه
1- اكتر دعوه بتدعيها ايه هى؟

اللهم ارحم ماما وبابا وأدخلهم فسيح جناتك هما وجميع اموات المسلمين وحبب الناس فيا وادينى الصحه وارضى عنى
2-اصعب موقف فى حياتك لا يمكن نسيانه اذا كان حلو او وحش ولو فى الاتنين قوليهم بقى مش هتفرق؟

مش حضحك عليكى واقولك مفيش حلو بس كل الحلو مواقف كانت عاديه نجاح مثلا فى دراستى او شغلى يعنى الحلو العادى ده
اما عن الوحش او القاسى فهما اتنين وقلتهم قبل كده وفاه بابا الله يرحمه والاكتر منه قسوة وصعوبه وفاه ماما الله يرحمها
3- ايه اكتر يوزر نيم عجبك فى المنتدى؟

بصراحه الفراشه لانى بموت فى الفراشات جدا وبتفائل بيهم

4- ايه الحاجه اللى تحصل توصلك لدرجه انك تكرهى الشخص اللى ادامك؟

النفاق والكذب وانه ادامى يقول كلام ولما امشى ومن ورايا يغير كل كلامه
5-ايه اكبر طموح ليكى فى الحياه؟

احقق حاجه فى شغلى واكبر بيه وفيه
6-ما هى هواياتك؟

الموسيقى والقراءه وسماع الاغانى

7- ما هى اعظم سمات الحب بالنسبه لكى؟
الوفاء والعطاء الدائم

8- تؤمنى بالحب من اول نظره؟

بصراحه لااااااا ولو حصل مش بيدوم ومش بيكون حب صادق

9-تصنفى شخصيه الولد اللى ادامك على اساس ايه ؟ نفس الحوار لو بنت؟

احساسى بصدق كلامهم ومن التعامل معاهم ومع الوقت بيتأكد لى صدق شخصياتهم
10- اكتر صفه تشدك لولد او بنت؟

التدين والقرب من ربنا والتحلى بمكارم الاخلاق كمان عقولهم ازاى بتفكر وبتفكر فى ايه وطيبه قلبهم وحنيتهم

بصى دول كفايه لحد مفتكر يعنى تانى
والبوسه دى منى ليكى ورنا معاكى ياقمر
نورتينى يا قمر

وانا مستنياكى اهو

الفراشة كتب:: فراوله يا قمر اهلا بيكي علي كرسي الاعتراف

اهلا اهلا اهلا

ودلوقتي بقي هسالك كام سؤال علي الماشي كدا لحد مفكر بس في شويه اسئله يا قمر

ههههههههههههههه

هو فى لسه انتى ناويالى على ايه اعترفى
هههههههههههه

1- ايه رايك في الحب؟

اجمل حاجه فى الدنيا

2- حبيتي كام مره؟
مرة واحده

3- تفضلي الجواز التقليدي ولا الجواز بالحب؟
الجواز بالحب طبعا

4- ايه اكتر حاجه ممكن تالمك ؟
الخيانه والفراق

5- ايه اكتر حاجه تسعدك؟
رضا امى الله يرحمها عليا

6- ايه الحلم اللي حلمتي واتحقق؟
بصراحه لسه

7- ايه الحلم اللي حلمتي ولسه متحقيش؟
كتيييييييييييير

8- بتخافي من بكره ولا دايما عندك تفاؤل ان بكره احسن من انهارده؟؟
بصراحه انا بخاف من بكرة جدا وكتير ببقى مش عيزاه يجى ومش حاسه انه حيكون احسن من النهارده خالص وده مش تشاؤم بس بسبب الظروف الصعبه المحيطه بيا و اللى حصلتلى وعايشه فيها

9- بتحسبي كل خطوه وكل كلمه قبل متقوليها او تنفذيها ولا ماشي الحياه زي متجي؟
انا عايشه اليوم بيومه وخلاص مش بحسب خطواتى اوى يعنى بس بفكر شويه قبل ما اقول اى كلمه عشان مزعلش حد منى او تخرج كلماتى بطريقه تجرح اى حد وده طبعا واجب عليا انى انتقى كلماتى قبل ما اقولها

10- ندمتي علي حب حبيتي من قلبك وقولي يارتني محبيت ولا عرفت الحب؟؟
انا الحمد لله مش بندم على حاجه انتهت لان ده مكتوب واللى ربنا قدره هو اللى كان وحيكون

كفايه عليكي كدا المره دي

وان شاء الله ارجعك تاني يا قمر

الفراشة

اعتقد يا دودو انك كده خلصتى عليا خلاص

حتجيبى اسئله تانى منين بقى
ههههههههههههههههه

بس انا مستنياكى ونورتينى يا قمر

Bosy Cat كتب:: منورة الكرسى يا فراولة

ميرسى يا بوسى كات الكرسى منور بأصحابه طبعا

1- فى حد فى حياتك دلوقتى ؟
لاااااااااااااااااااا
2- ايه الحلم اللى كان نفسك يتحقق واتحقق ؟
لسه يا بوسى مفيش
3- ايه هى اللحظات اللى تتمنى تنسيها ومش عارفة ؟
وفاه ماما الله يرحمها واعتقد ان عمرى ما حنساها
4- ايه هى اللحظات اللى تتمنى الزمن يقف بيكى وميمشيش ؟
اى لحظه حلوة عشتها مع ماما الله يرحمها واختى وكانت ماما فيها راضيه عنى وسعيده بينا
5- بتحبى السفر ؟ واى بلد تحبى تسافرها خارج مصر ؟
طبعا بحب السفر موت ونفسى اسافر فرنسا اوى وخصوصا باريس

اكيد هارجعلك تانى يا فراولة

فى انتظارك يا بوسى كات

اوعى تتأخرى عليا

حتشبسوت كتب:: يعني اغيب شوية ساعات الاقي كل الاعضاء سألوا الاسئلة دي ،أنا بقي هاسال كام سؤال:

اتفضلى يا قمر تحت امرك

ليه البنت بقي سهل لو حد قالها سنك كام تقول رغم ان زمان كانوا يقولوا انك عيب تسـأل اي بنت السؤال ده؟.
الزمن اتغير يا حتشبسوت ولا ايه دلوقتى بقينا فى عصر العولمه والفضائيات والنت وغيره ومع التكنولوجيا دى مفاهيم كتيره اوى فى حياتنا اتغيرت ويمكن اختفت ومنها ان سن البنت عيب والحاجات دى وعلى فكرة انا لاقيه فعلا انه مش عيب ان البنت تقول سنها خالص لان ده مش حيفرق معاها فى حاجه وكمان اعتقد انه مش حيفرق مع اللى بيسألها فى حاجه
الحب عاطفة سامية ورقيقة فهل اصبحت كلمة سهلة الواحد يقولها ؟
جدا هو ده الملاحظ دلوقتى بس برده مش عايزين نعمم
،وهل ممكن تفقد معناها ذات يوم مع الشخص اللي اتعود يقولها مع كل بنت او العكس؟.
اعتقد لا لان اللى اتعود يقولها ده مع كل بنت او العكس لازم حييجى عليه اليوم اللى يحب وبجد وساعتها حيقولها بصدق وباحساس وبمعناها الحقيقى وساعتها حيحس بالفرق بين ترديده للكلمه دى قبل كده وبين احساسه بجد بيها وحيعرف الاختلاف ويحسه
عايزة اسألك عن تفسيرك لظاهرة التذبذب الاخلاقي في مصر واننا دائما بقي عادي نقول زمان واحنا صغيرين او ايام الستينات والسبعينات ،هل ده معناه اننا بنهرب من الواقع والا ان احنا مش عارفين نعيش فيه ؟
اعتقد ان احنا مش راضيين على الوضع نفسه وكمان مش قادرين نغيره وبالتالى صعب ان احنا نعيش فيه عشان كده بنحن لايام زمان ونقول ولا يوم من ايام زمان وبنتمنى ان احنا نعيش فى الزمن اللى فات لما فيه من مميزات بس على فكرة لو رجعنا وعشنا فيه برده مش حنقدر لان لكل زمن مميزاته وكمان عيوبه
عارفه ان اسئلتي غلسة شوية ،معلش حقك عليا مقدما ،ويارب ما تقعي من الكرسي وانتي بتجوبي وربنا يكون في عونك
ياااااااااااارب ادعيلى وميرسى على اسئلتك بجد اسئله حلوة جدا
والايام دول الاسئلة اللي تسألها النهارده ممكن تتسألها بكره .
كفاية لحد كده بقي أسئلة لحد ما أفكر وأرجع إن شاء الله.

مستنياكى يا حتشبسوت

نورتينى بجد

رحيق الجنة كتب:: السلام عليكم

الله عليكى يا هدى بجد اجمل حاجة ان اجمل بنت على كرسى الاعتراف علشان

نتعرف على فراولة الجميلة

ميرسى جدا جدا ليكى ربنا ما يحرمنى منك ابدا ده شرف ليا

والله يا فرولتى انا مش هسئل كتير ومش اسئلة صعبة نبتدى
اتفضلى

1/حلم حياتك؟

الستر والصحه ورضا امى الله يرحمها عنى

2/ايه رايك فى بنات اليومين دول؟
على اد ما فيه منهم اللى يعنى مش اد كده لكن فى كتيييييييييييير جدا محترمين وملتزمين واخلاقهم كويسه جدا بس العيب بقى ان الحسنه تخص والسيئه تعم فالبنات الوحشين بيأثروا على شكل المجتمع ويبان ان معظم البنات مش اد كده بس ارجع واقول ان فى بنات وكتير جدا من عائلات محترمات ومتدينات وبيعرفوا ايه الصح ويعملوه وايه الغلط والوحش ويبعدوا عنوا ويا رب يهديهم كلهم

3/لما بتحسى انك مدايقه ايه هو المكان اللى بتحبى تقعدى فيه ؟
اودتى واقفل عليا

4/ليه اختارتى اسمى فراولة

كل اصحابى وصحباتى المقربين ليا عارفين انى بحب فى الصيف جدا عصير الفراوله فأطلقوا عليا الاسم ده ومن يومها وانا بحب الاسم ده اوى

5/نفسك لما تتجوزى اول بيبى يكون ولد ولا بنت وتسمى ايه؟
ههههههههههه
كل اللى يجيبه ربنا كويس بس بجد احبها بنوته واسميها رانسى

6/ما مفهوم الصداقة عندك ؟
اسمى علاقه على وجه الارض لو كانت حقيقيه وهى بجد مهمه جدا وبيها بتحلى الايام وتهون الازمات والصعاب

7/هل ندمت على اى حاجة عملتيها فى حياتك ؟
لا الحمد لله عمرى ما ندمت لانى حتى لو غلطت فانا بتعلم من اخطائى ودى حاجه كويسه مش غلط

8/ماذا يعنى ليكى الحب ؟
الحياه

9/هل مريتى بلحظة ضعف ؟
كتييييييير

10/اكتر عيب فيكى عايزة تغيرى ومش عارفه ؟

الخوف الزياده من بكره ومن حاجات كتيره حوليا

11/ مين اكتر شخص تحبى تحكيلة لما تكونى مدايقة
اختى

12/ممكن ترتبطى من على النت
اكيد لا لانه مش حيبقى ارتباط مبنى على اسس صحيحه او صادقه

13/قوليلنا حاجة كنتي معروفة بيها وانتي صغيره؟؟
ههههههههههههه
كان الكل بيسمينى بنت مامتها لانى مكنتش بروح فى اى حته الا مع ماما كمان انا كنت معروفه بالقطتين اللى ماما الله يرحمها كانت بتعملهوملى فى شعرى ومكنش اى حد يعرف يعملهوملى غيرها والشرايط لازم تكون مكويه والوانها مقلكيش على جمالهم

14/كان نفسك تدرسى ايه بس محصلش نصيب
كان نفسى ادرس تجاره

15/اية اللى تتمنية للمنتدى ؟
التقدم انه يكبر كمان وكمان ويبقى اكبر واوسع منتدى على مستوى المنتديات التانيه

16/مين اكتر شخص متقدريش علي زعله ؟
كانت ماما الله يرحمها وحاليا اختى الوحيده

17/حلم حققتيه مكنتش تتوقعيه و حلم لسه محققتيهوش و نفسك تحققيه ؟
حققته ممكن انى اشتغلت لسه محققتوش ونفسى احققه يمكن انى الاقى قلب يحبنى بجد ويعوضنى عن الحنان اللى مفتقداه واحس معاه بالامان

18/إنسان معين لما تفتكريه تقولى ( لسه الدنيا بخير ) ؟
جوز خالتو الله يرحمه وحاليا واحد زميلى فى الشغل هو حاليا على المعاش بس بالنسبه ليا كان اكتر من اب ولسه للان بيسال عليا انا واختى ومش هو بس لا مراته وولاده بينا علاقه حلوة اوى ربنا يدومها

19/بصرحة شديدة مين العضو اللى انتى خايفة انة يسئالك ؟
بصراحه مفيش لان مهما كانت صعوبه الاسئله لكن انا اخدت عهد على نفسى انى حجاوب عليها وبكل امانه وبعدين كل الاعضاء هنا حبايبى وعمرهم ما حييجوا عليا
ولا ايه

20/ ايه رأيك فى اسئلتى بصراحة ؟

اسئله بجد ممتعه وحنينه وده اللى انا متعوداه من شخصيه لطيفه وحنينه مثل شخصيه رحيق الجنه

كفاية كدة ويارب تكون اسئلتى سهلة

بس هرجع تانى

تنورينى اكيد

تسلميلى يا رب دايما

تحياتى

رحيق الجنة

أنسانة حالمة كتب:: السلام عليكم

وعليكم السلام ورحمه الله وبركاته

طبعا انا مش رضيت اسأل أول واحدة عشان انتى اساسا عايزة تضربينى عشان حطتك يا فروالتى
ههههههههههههه

لا اسالى يا هدى براحتك اما بقى عن حكايه الضرب ده فجاى جاى متقلقيش يا حبيبتى

فحبيت ان الاعضاء تدخل تسألك شوية وبعدين انا ادخل اسألك كام سؤال كده فى السريع

بس اوعى تدعى عليا يا حبيبتى والله انا بحبك جدااااااااااااااااااااااااا

وانتى عارفة يا فروالتى غلاوتك عندى قد ايه

اكيد يا هدهد من القلب للقلب واللهى انتى كمان عارفه انت ايه بالنسبه ليا ربنا ما يحرمنى منك ابدا

نبدأ بقى الاسلة وندخل فى المهم

اه يا قلبى ربنا يستر

1- ايه رأيك فى الحب الأول ؟ وهل يوجد حب يطلق عليه الحب الاول ؟؟
على فكرة احلى حب هو الحب الاول واكيد بيوجد حب اول وللاسف مش كله بيكمل يعنى بينتهى وبسرعه ونقعد بقى نفتكره على طول
2- ايهما تختارى عندما تكونين مضايقة ... البحر أم الجلوس بمفردك فى غرفتك؟؟
لو كنت فى بلد فيها بحر يبقى طبعا افضل الجلوس ادام البحر واشكيله همى
3- أصعب كلمة سمعتيها فى حياتك ؟؟ وأجمل كلمة سمعيتها فى حياتك ؟؟
اصعب كلمه لا بجد مش متذكرة او يمكن مفيش
اجمل كلمه سمعتها كانت من مديرى فى الشغل قالى انتى بجد انسانه ممتازه فى كل حاجه بجد الكلمه دى رفعت معنوياتى جدا وخصوصا من مديرى وده من الصعب انه يقول كلمه حلوة لحد غير لما يكون كتأكد من اللى حيقوله يعنى مش بتاع كلام وبس

4- عندما تشعرين بالحب هل من الممكن أن تبوحين بمشاعرك أم تفضلين البقاء فى مكانك ؟؟؟
افضل البقاء فى مكانى لغايه ما يجى اللى بحبه ويبوحلى بمشاعره ساعتها بس ممكن اخرج كل اللى جوايا لكن مش انا اللى ابدأ

5- أكتر صفة بتحبيها فى شخصيتك ؟ واكتر صفة مش بتحبيها فى حياتك ؟؟
الالتزام وانى بدى لكل حاجه حقها واكتر صفه مش بحبها فيا الخوف الزائد عن حده من الايام وبكره ومن اللى جاى ومستخبى
6- برفانك المفضل ؟؟
كول ووتر وويك اند حاليا
7- كلمة تتمنى تسمعيها ... ممكن تكون ايه ؟؟؟
اطمنى يا نهله انا جنبك

8- عايزكى تهدى الاغانى دى للأعضاء اللى تختاريهم :

انت الغالى جنرال
بحبك قولها للعالم فراشتى
طبعا احباب غيرتى الحب
منحرمش العمر منك يا حبيبى هدى
قلب واحد كل الاعضاء
سيبنى جوه حضنك رحيق الجنه
روح قلبى سبيدر

9- رتبي هذه الصفات من اكثرها تواجد بشخصيتك الى الاقل
الصبر - خفة الدم - العصبية - التسامح - الكآبة
الغرور - الهدوء - المزاجية - طيبة القلب - التواضع

التواضع طيبه القلب الهدوء خفه الدم الكآبه التسامح العصبيه الصبر المزاجيه الغرور
10- ادينى لقب لكا اسم من اسماء الاعضاء دول :
1-روما النشاط
2- الفراشة الطيبه المتناهيه
3- هبة الدلوعه
4- بوسى كات الشقاوة
5- سما الرقه
6-رحيق الجنة الحنيه
7- بوكى عسل
8- رودى زهره المنتدى
9- جنرال العقل وحب الشعر
10- انت عمرى ابو الافكار الجديه
11- سبيدر مان الشقاوه وخفه الدم
12- وجه القمر عشريه
13- جلال راجل اوى
14- الطير الحزين " كريم " مش بشوفه كتير
15-أنسانة حالمة حبيبتى

اكيد هارجعلك تانى يا فراولتى

مع خالص أشواقى
أنــســـانـــة حــالــمـــة

مستنياكى يا هدهد

بس براحه عليا

هههههههههههههه

نورتينى

منوره الكرسى يا فراولتى يا قمر

انا بقى هاسالك كام سؤال كده

1-هل انتى شخصيتك اجتماعيه؟

2-اكتر قسم بتحبيه ايه؟

3-اول حب فى حياتك قابلته امته؟

4-مين هنا معانا تحبيه تعرفيه وتتكلمى معاه؟

5-هل فى عضوه قريبه من شخصيتك؟ ومين هى؟

6-احلامك ايه؟

7-ايه اكتر حاجه بتحبيها فى نفسك؟

8-ايه هى هواياتك؟

9-اكتر ممثل او ممثله بتحبيهم ايه؟

10-اكتر اغنيه بتحبيى تسمعيها ايه؟

كفايه كده النهارده ونرجع مره تانيه ان شاء الله

سما

samaa كتب:: منوره الكرسى يا فراولتى يا قمر

ده نورك يا سما اللى منور الدنيا كلها

انا بقى هاسالك كام سؤال كده
اتقضلى يا قمر
1-هل انتى شخصيتك اجتماعيه؟
الحمد لله اه
2-اكتر قسم بتحبيه ايه؟
العام والاسلامى
وكمان الاغانى
3-اول حب فى حياتك قابلته امته؟

يااااااااه فى سنه اولى فى الكليه

4-مين هنا معانا تحبيه تعرفيه وتتكلمى معاه؟

بصراحه كلكم

5-هل فى عضوه قريبه من شخصيتك؟ ومين هى؟
غاده
6-احلامك ايه؟
اكبر فى شغلى والستر والصحه ورضاء ماما الله يرحمها عنى
7-ايه اكتر حاجه بتحبيها فى نفسك؟
الالتزام في

كل حاجه وانى بدى كل شئ حقه

8-ايه هى هواياتك؟
الموسيقى سماع الاغانى الشعر
9-اكتر ممثل او ممثله بتحبيهم ايه؟
بحب اوى يسرا واحمد السقا
10-اكتر اغنيه بتحبيى تسمعيها ايه؟
بحك يا امى

كفايه كده النهارده ونرجع مره تانيه ان شاء الله

سما

ميرسى يا سما

نورتينى

اهلييييييييييييييين انا رجعت تانى

هسالك شوية اساله مش كتير
1: اكتر اكلة بتحبيها ايه؟
2:لو طلعلك الفانوس السحر وقالك تتمنى تلت امنيات ايه هما الامنيات دول؟
3:ازاى بتبينى للى قدامك انك بتحبيه ؟
4: لما بتفرحى بتعبرى عن فرحك ازاى ؟
5: اكتر حاجة بتنرفزك اوى ؟
كفايه عليكى النهاردة كدة
يارب اكون خفيفة عليكى يا قمر

fuNny girl كتب:: اهلييييييييييييييين انا رجعت تانى
اهلين واللهى نورتى تانى
هسالك شوية اساله مش كتير
قولى يا رب
1: اكتر اكلة بتحبيها ايه؟
الحمام المحشى وجنبه ملوخيه
2:لو طلعلك الفانوس السحر وقالك تتمنى تلت امنيات ايه هما الامنيات دول؟
لو على اساس ان الفانوس ده بيحقق كل حاجه حتى المستحيلات يبقى انا حتمنى اول حاجه ماما الله يرحمها ترجعلى تانى والحاجه التانيه انه يرجع بيا الزمان لخمس سنين كده وراء واعيشهم من تانى بشكل تانى ومضيعش فيهم اى لحظه حلوة غير ما اعيشها وتالت حاجه انى اعيش قصه حب جامده جدا مع انسان حنين اوى عليا وطيب جدا وتنتهى طبعا القصه دى بالارتباط والزواج بس يا ستى شوفتى احلامى بسيطه ازاى
ههههههههههههه بس فين بقى الفانوس السحرى ده دلينى على مكانه
3:ازاى بتبينى للى قدامك انك بتحبيه ؟
اعتقد كفايه نظرات عنيا اكيد حتفضحنى وتبين حبى ليه
4: لما بتفرحى بتعبرى عن فرحك ازاى ؟
حتستغربى لو قلتلك انى لما بفرح بضحك وفى نفس الوقت بعيط عارفه ليه لانى بخاف جدا من الفرح مش تشاؤم ولكن حاجه كده جوايا بتحسسنى ان الفرح ده مش بتاعى مش ليا حتى لو فرحت فبعدها اكيد ححزن تانى
5: اكتر حاجة بتنرفزك اوى ؟
لما اكون بتناقش مع حد فى موضوع ويحاول يفرض رأيه عليا من غير ما يفهمنى ويقولى هو كده وخلاص
كفايه عليكى النهاردة كدة
يارب اكون خفيفة عليكى يا قمر

انتى طول عمرك خفيفه يا هبه
وانا مستنياكى تانى
تسلميلى يل قمرايه

» قوانين كرسى الأعتراف