يا ترى زورتهم النهارده ؟؟؟؟

[size=18]

النهارده إن شاء الله يوم اليتيم وقد أطلق على إحتفال هذا العام شعار

( أكفل يتيما في بيتك )

ما
تنسوش تزوروا الاطفال الايتام وما تنسوش كمان ان اليتيم مش بس اللي في دار
ايتام لا كمان في ايتام بس عايشين في بيوتهم او بيوت اقاربهم ياريت يا
جماعة تفكروا كل الناس اللى حواليكم بالايتام وكمان تقولوا لهم ان الايتام
موجودين طول السنة مش يوم اليتيم بس انما يوم اليتيم ده علشان يفكروا
الناس اللي شوية بتنسى

اوعوا تنسوا تشاركوافى اليوم ده وتحاولوا ترسموا إبتسامة غايبه عن شفاه الأيتام والمحرومين

واللى ناسى ومرحش لغايه
دلوقتى يزورهم ويقعد معاهم احنا لسه فيها اليوم ادامكوا طويل يالا بس
قرروا وقوموا روحولهم شوفوا هما عايزين ايه مش لازم هدايا ولا فلوس اهم
حاجه هما محتاجينها ضحكه منكوا او تلعبوا معاهم او حتى تقولولهم كلمه حلوة
تسعدهم وترجعلهم الضحكه من تانى وتحسسهم ان الدنيا لسه بخير

تعرفوا
ان المسح على رأس اليتيم وتطييب خاطره يزيد الحسنات ويرقق القلب ويزيل عنه القسوة
فقد روى أحمد و الترمذي عن أبي أمامة رضي الله
عنه قال رسول الله صلى الله عليه وسلم ( من مسح رأس يتيم لم يمسحه إلا لله
كان له بكل شعرة مرت عليها يده حسنات ومن أحسن إلى يتيمة أو يتيم عنده كنت
أنا وهو في الجنة كهاتين وفرق بين أصبعيه السبابة والوسطى )

قال
تعالى: {وَيَسْأَلونَكَ عَنِ الْيَتَامَى قُلْ إِصْلاحٌ لَهُمْ خَيْرٌ
وَإِنْ تُخَالِطُوهُمْ فَإِخْوَانُكُمْ وَاللَّهُ يَعْلَمُ الْمُفْسِدَ
مِنَ الْمُصْلِحِ وَلَوْ شَاءَ اللَّهُ لاعْنَتَكُمْ إِنَّ اللَّهَ
عَزِيزٌ حَكِيمٌ}
(البقرة: 220 ).

وقال أيضا : {فَأَمَّا الْيَتِيمَ فَلا تَقْهَرْ} (الضحى: 9).

وقال رسول الله صلى الله عليه وسلم

((أنا وكافل اليتيم كهاتين في الجنة". وأشار بالسبابة والوسطى وفرق بينهما قليلا))

يالا
بسرعه كل واحد يشوف ااقرب دار ايتام جنب بيته او قريبه منه او حتى اى
جمعيه خيريه وينزل بسرعه يعمل اللى عليه ويقعد مع الاطفال ولو حتى ربع
ساعه صدقونى احنا هنستفاد وهما كمان هيفرحوا جدا

يالا بسرعه
متكسلوووووووووووووووش

يا ريت كمان تركزوا فى كلام الاغنيه دى
لايهاب توفيق

الدنيا لسه بخير
فيها ناس كتير طيبه
مادين ادين الخير
الجنة دي قريبة

في ناس كتير في الدنيا محتاجة
ايدك في ايدي نعملهم حاجة اطفال بريئة
محتاجين حضننا حق الحياة لازم نقول حاجة

الدنيا لسه بخير
فيها ناس كتير طيبه
مادين ادين الخير
الجنة دي قريبة الدنيا لسه بخير

لازم نقول الحق نتكلم
نمحي العمي والجهل نتعلم
لازم نساعد لازم نكون واحد
في ناس كتير عايشة
بتتالم

يا ترى زورتهم النهارده ؟؟؟؟ Thumbsup

ها انتوا لسه هنا

يالا انزلوا روحولهم بقى

السلام عليكم

والله يا فراولة انا مش عارفة ارد عليكى ازى

انتى انسانة جميلة اوى جزاكى الله كل خير

فعلا لا زم دايما نعطف ونكرم اليتيم وانشالله ناخذبايديهم ونعاونهم على الحياه

بس يوم اليتيم مش اول ابريل بس
فى اي وقت لازم نهتم بالايتام
ونحاول نساعدهم كل فترة على اد مانقدر

بس يارب نفضل دائما فاكرين الحاجات المهمه واللي لنا اجر في عملها
وجزاكى الله خيرا

ربنا يوفقق ويحبب فيكى خلقه

تحياتى ماما عبير

فراولة
تسلم ايدك يا حبيبتى على التذكرة الجميلة دى
وزى ما قالت ماما عبير زياره الايتام لازم تكون فى كل وقت مش شرط يكون يوم اليتيم
وتكفى الكلمة الحلوة والمعاملة الطيبة ليهم والاخد بايديهم فى كل حياتهم
على قد المستطاع
تسلمى يا حبيبتى على التوبيك
وجزاكى الله كل خير يا قمر

» جايلك نفس تشتغل النهارده ؟