ماما ضاعت منى وضاع معها احساسى بالامان وفقدت كل الحنان

لي كل ام وكل بنت

انا مش هعرف ازين كلامي انا هقول اللي انا عيشاه وعيزاكو تشوفو هتطلعو بحاجه من كلامي او لأ ؟r

انا واحده خسرت امي ... امي اللي
كانت وما زالت كل حياتي ... اللي معرفتش اديها كل الحنان غير وهي ضعيفه
... امي اللي شفتها في اوضاع عمري ما اتخيلها شفتها مريضه مكسوره ضعيفه ..
امي اللي كانت كل محور حياتنا كانت البيت اللي احنا فيه كانت بابا وماما
واختى وصاحبتى وكمان كل قرايبى.. كانت الحنان والامان والحب .. كانت
بتلمنا حواليها بجد كانت كل فرحتنا .... امي راحت مني .. الله يرحمها

انا بس كل اللى عايزة اقوله واعترف بيه انى على اد ما كنت بحب ماما الا
انى كنت كتير بزعلها وبتخانق معاها ودايما كنت بعاندها وفى حاجات كتير
مكنتش بسمع كلامها وكنت لما بكون مضايقه فى شغلى من حاجه لما ارجع البيت
كنت بطلع زعلى وغضبى ده كله على ماما و لما كانت الله يرحمها تسالنى عن
سبب زعلى كنت مقلهوش لها غير لما اهدى وارتاح اروح اقعد جنبها واحكيلها كل
حاجه وكانت ماما بكلمه واحده منها بتريحنى على الاخر وعلى فكره انا كنت
بعمل كده عشان كنت فاكره ان ماما لسه حتفضل معايا كتيييييييير مكنتش اعرف
انها حتموت وتسبنى عمرى ما فكرت انى حعيش من غيرها
حسيت فقدان الامان والحنان دلوقتى اوى اوى وحسيت بالحرمان لما مرضت وما
لقتش ماما جنبى وخدانى فى حضنها وبتقولى حتبقى كويسه وملقتهاش بتدينى
الدواء بايديها صدقونى كنت بخف وهى جنبى بسرعه دلوقتى مش عارفه اصلا اخف

دلوقتي انا بعمل كل حاجه وعرفت اد ايه ماما كانت شيله
المسؤوليه ... من طبخ وتنضيف البيت ومن انها بتشوف كل واحده فينا محتاجه
ايه وايه ناقص البيت وعلاقات مع الناس ومش تخلينا نحتاج اي حاجه .. كانت
شيله كتير .. وانها تشوف مين فينا مدايق ومين فرحان ... وكانت بتسهلنا
حاجات كتيييييييييييييييييييييير ... يعني انا كان نفسي ماما تفهم اني
مكنتش اتوقع انها تسبنا في يوم من الايام عشان كده كنت معتمده عليها
اعتماد كلي ...

انا عيزه اقول لماما دلوقتي البيت انا بخليه نضيف ديما وبعمل اكل تقريبا
جميل بس انتي اجمل وانك وحشتيني اوي اوي اوي ومش تقلقي احنا اه ضيعين من
غيرك وبنعمل حاجات كتير كده غريبه ... يعني ممكن اعيط ومش عارفه بعيط ليه
. اخرج ومعرفش رايحه فين .. والاكيد اني كرهت ناس كتير عشان عرفت اني مليش
صدر حنين وحضن وامان غيرك .. وعرفت اني مستحيل اني اشوف حد يخاف عليا
ويحبني زيك .. بس المهم انك مرتاحه دلوقتي

الي كل ام افهمي بنتك قربيها ليكي ومش تضغطي عليها بشغلانه ولا تزعلي منها
حاولي تفهميها براحه وتدخليلها بطريقه معينه هتلاقيها معاكي

ولكل بنت سبيكي من النت شويه اللي واخد كل وقتك ... احنا بنتكلم كتير كلام ملوش لازمه واليوم زي كل يوم

سيبي النت روحي اعدي مع امك شويه ارغي معاها ...
اخرجي معاها عادي ... مش شرط تتمشي مع صحابك .. امي مهي احسن صاحبه ليكي صدقيني

انا عن نفسي بندم عن كل ثانيه سبت امي فيها عشان اعد ع النت واكلم ناس ف كلام انا مش فكراه ولا فداني بحاجه ولا فكره الناس دي اصلا

بصي ممكن تكون مامتك مقفله عليكي شويه تلفونات ممنوع وحاجات وخروج ولبس ده
اه وده لأ .. اوعي ده يدايقك .. صدقيني لو مش عرفتي تخرجي وتتبسطي مع
صحباتك ....

امك هي احسن مكان ليكي .. هي احسن حضن .. عمرك ما هتلاقي حد يحبك غيرها

امك هي اللي ديما موجوده .. لو احتاجتي اي مساعده اول واحده هي .. يعني مش
هتلاقيها بتفكر تساعدك ولا لأ .. ولا هتلاقيها مشغوله وتقولك مش دلوقتي ..
ولا هتلاقيها مع ناس ومش عرفه تسيبهم ...
امك هتلاقيها ضهرك وسندك بجد

محدش بيفيدك غيرها ... امك اللي بتديكي من غير مقابل ...

عرفتي كام حد فضل حاجات لنفسه ومفكرش فيكي ... عرفتي كام حد يعدي عليهم ايام مش يسألو عليكي
عرفتي كام حد كنسل تليفون في وشك .. اداكي معاد محضروش او اتكلم عليكي .. او سمع حد قال كلمه وحشه عنك ومدافعش عنك

عمرك اتصلتي بأمك ومردتش وقالتلك دا التلفون مش عارف كان فين دا مش مشحون .. عمرك احتجتلها ومكنش ليها وقفه جامده وحلتلك مشاكلك ؟

صدقيني امك ديما ليكي وحياتها ليكي .. امك ديما مستعده تعمل لينا المستحيل .. ومش تلخلينا في ضيق ابدا ...

حافظو عليها .

..اناا نفسي امي ترجع واعيش معاها لحظه لحظه بجد وحشتني

دلوقتي ادخلو بوسو ايد امكم وقولو ربنا يخليها ليكو تشوفكو مبسوطين وعرايس حلوين

وبس وادعو لامي ربنا يرحمها ياااااااااارب هي ماتت وقالت لي انها راضيه عني

بس يارب دلوقتي متكنش زعلانه مني في اي حاجه .. لاني من غيرها اكيد بقع في مشاكل .. منا مش بلاقي حد استشيره

و ربنا يخلي لكم كل امهاتكم :

طبعا الام لو اعد من هنا لبكرة مش هخلص اد اية هى اهم شئ فى حياتنا
وللاسف بنعرف قيمه هذا الشئ القيم الى بعد منفقدة
ربنا يصبرك يا فراوله الله يرحمها ويرحم جميع امهات المسلمين اميييييييييييين
fuNny girl

fuNny girl

ميرسى على كلامك الحلو
شكرا ليكى

فروالة

انا بجد بعتذر كل الاعتذار لانى شوفت التوبيك متأخر جدا جدا جدا
لكنى بجد فى منتهى الأسى والحزن وربنا يرحمك مامتك يارب ويدخلها فسيح جناته
أمين يارب العالمين

وانتى بجد كل كلمة قولتيها يا حبيبتى فى منتهى الجمال وعندك حق احنا كتير بنزعل ونضايق من ماماتنا انها بترفض حاجات وتمنعنا من خروج وفسح مع اصحابنا لكن الاكيد انها خايفة علينا
وخوفها ده مش ممكن يقدر بثمن ولا هنحس بيه غير لما كل واحدة فينا تكون أم وتحس قد ياه هى خايفة على اولادها من الهوا بس

وكلنا بنخطئ فى حق امهاتنا كتير جداااااا ومش بنحس بده غير بعد ما الموقف يحصل مننا ع الرغم انها ممكن انها مش تعاتبنا على غلطتنا فى حقها لكنها بمجرد ما نروح ونقعد جنبها ونقولها حقك علينا بتنسى ك حاجة وتاخدنا فى حضنها

ربنا يخليكى ليا يا امى وميحرمنيش منك ابدااااااااا وبجد يارب تكونى راضية عنى فى كل وقت
وتدعيلى دايما فى كل أذان

ربنا يصبرك بجد يا فروالة وربنا يرحمك ماماتك ويارب تكونى أم فى أقرب وقت عشان انتى جواكى حنان مالوش حدود

مع خالص أشواقى
أنـــســــانــة حـالـــمــة

ميرسى يا هدى يا جميله على ردك

وبجد انا نفسى كل واحده متزعلش منها مامتها خالص بجد دى حاجه مهمه اوى اوى لازم كلكم تعملوا بيها

وربنا يخلى كل امهاتكم يا رب ويفرحوا بيكم وتفرحوا بيهم

موضوعك جامد تسلم ايدك
بجد الام التى نعيش ونتنفس حنانه ونعيش احلى ايام انا عن نفسى مش بعرف اعد فى البيت وهى ماما مش موجود ربنا يخلهالى